Depi fenomèn ratman gaz la pri prodwi premye nesesite yo pa sipann grenpe

Depi fenomèn ratman gaz la pri prodwi premye nesesite yo pa sipann grenpe 

@manex_Jean-Simon/ScriptmediaTV

 

Depi plis pase 6 mwa peyi dayiti ap Konen yon fenomèn ratman gaz san kanpe, yon sitiyasyon ki vin pi grav depi aprè asasina ansyen prezidan Jovenel Moïse lakay li nan lannwit 6 pou leve 7 jilè pase a. Sitiyasyon sa pa san konsekans sou ogamantasyon pri sou tout aktivite ekomik yo nan peyi a (inflation).

Malgre divès mezi otorite yo anonse pou kwape sitiyasyon sa yon fason pou soulaje popilasyon an ki viv chak jou anyen pa mache, pri prodwi premye nesesite yo pa sispann monte, Sa ki vin antre moun yo pi fon nan mizè.

Nan depatman nodès la, sitiyasyon an pa diferan. Nan yon vire won ekip #Script_MÉDIA_TV a fè nan kèk mache samdi 27 novanm 2021 an, nou remake pri prodwi premye nesesite yo ogmante a yon vitès ekstraòdinè. Konsta yo montre wap bezwen genyen anviwon : 115 goud pou yon gode (timamit) pwa, 65 goud pou yon gode (timamit) diri, 65 goud pou yon gode sik, 125 goud pou yon aran, 60 goud pou yon mandè lwil Epi 150 goud omwen pou yon chyen janbe pou'n site sa yo selman.

Plizyè nan ti machann sa yo ki te pale ak nou di, sa se konsekans non sèlman ratman gaz la men dola ameriken an ki pa sipann ogmante chak jou tandiske tout sa nou bezwen se nan peyi lòt bò dlo nou achte'l. Pilwen ti Manchann yo denonse iresponsbilite Leta, yo di ki pa janm pran ankenn mezi reyèl pou remedye sitiyasyon an.

Kesyon anpil moun ap poze, se jis kilè pèp ayisyen ap rale yon souf anba mizè nwa sila a akoz yo pa wè ankenn volonte reyèl bò kote otorite yo nan Leta pou adrese vrè problèm peyi ak tout senserite.

Manex Jn simon

#SOS #DINEPA : Depi kèk jou nan vil #wanament se avèk anpil difikilte pou yon moun jwenn yon ti gout dlo pou kapab sèvi

#SOS #DINEPA : Depi kèk jou nan vil #wanament se avèk anpil difikilte pou yon moun jwenn yon ti gout dlo pou kapab sèvi, sitiyasyon sa lakoz kèk moun pran lari avèk galon nan men ap mache chache toupatou pou yo wè si yo kapab jwenn yon ti gout dlo pou satisfè bezwen yo.

popilasyon an ki te deja ap fè fas ak anpil difikilte ak problèm gaz la, mande responsab #dinepa yo pou aji prese prese pou rezoud problèm sa a avan ka yo ta vin pi grav. @Joanis_Elie /@Scriptmediatv1

Youn nan responsab mouvman grèv la nan wanament anonse yon trèv apati demen Jedi a

 

Swit a mouvman leve kanpe kite gen nan vil wanament depi dimanch swa, youn nan responsab mouvman an, Jose La guerre, ki t'ap entèvni  nan mikro yon konfrè nou nan yon stasyon  sè  nan vil la,  fè konnen yo satisfè de mouvman an, pandan,l te tou anonse yon trèv pou demen jedi 28 oktòb 2021 an.

li fè konnen  mouvman sa te prevwa fèt pandan twa jou pou te denonse: ensekirite, kidnappinn, la vi chè , problèm rataman gaz la ak plizyè lòt ankò.  daprè sa li fè konnen grèv la pap kanpe definitivman y'ap gen pou kontinye mouvman sa nan jou k'ap vini yo, si tout fwa otorite yo pa deside reponn a revandikasyon yo.

Pi lwen, Jose Laguerre voye jete byen lwen deklarasyon moun ki ta fè kwè se lajan ki distribiye nan baz yo pou kenbe mouvman an, pandan li fè konnen agen UDMO endividi te dezame yè aprè midi a, se yon endividi ki te enfiltre mouvman an ki te komèt aksyon sa, men moun ki te prezan sou plas te gentan rekipere zam nan, nan men endividi a, menm moman sa ekip paw ( pale pou wanament) te remet zam nan.

Nap raple, depi lendi 25 oktòb pase a tout enstitisyon piblik tankou prive nan vil la te oblige fèmen pòt yo, swit a mouvman sa ki te lanse pa ansanm sitwayen sa yo nan vil la ki reyini sou yon strikti ki batize "PAW" ki siyifi pale pou wanament.

Séjour Léonel 

Agen UDMO endividi te dezame yè a rekipere zam li

 

Daprè enfòmasyon nou gen ki disponib nan #scriptmediatv, Agen UDMO endividi yo pat rive identifye te dezame yè aprè midi pandan li tap soti nan sou komisarya codevi ki se kote lap travay la te rive rekipere zam li san problèm nan menm sware a.

Nap fè remake, jiska prezan sitiyasyon an toujou menm jan maten an, kote majorite ouvriye CODVI yo toujou rete lakay yo, swit a mouvman sa kite kòmanse depi samdi swa nan vil Wanament.

Wanament / flash : Endividi yo pa rive idantifye fenk dezame yon polisye UDMO

 

Aprè anpil echanj katouch, ròch  ak lapolis nan zòn site plonto ak ba gaya nan aprè midi madi 26 oktòb la pou anpeche ouvriye ki te ale travay zòn franch (CODEVI) maten an sòti, endividi yo pa rive identifye dezame polisye #UDMO #FIY ki travay nan pak idistriyèl la.

Selon plizyè temwen ki te sou plas, yo te twa ki tap eseye kreye espas pou ouvriye sòti men sa pat anpeche endividi yo anvayi yo epi pran zam polisye a. 

Pou koulya zòn nan sou sispenz tout moun blije rete devan lakay yo.

Ouanaminthe/ Grèves : la quasi totalité des activités sont paralysées ce lundi

 Ce lundi 25 octobre 2021, Ouanaminthe la capitale économique du Nord-est, ce lève sous le choc suite à un appel à la grève lancée dans la soirée du dimanche par des individus parcourant abords d'un camion à mobile demandant à tous les citoyens de rester chez eux demain. Des jets de pierres et de bouteilles, des barricades, des nœuds enflammés sont constatés un peu partout à travers les rues dans la matinée de ce lundi. Cette situation de tension avait paralysé la quasi totalité des activités dans cette ville frontalière. 

Les banques commerciales, les écoles, le marché frontalier de dajabon, la compagnie de développement industriel (CODEVI), le transport en commun ainsi que les institutions publiques sont complètement paralysés à Ouanaminthe ainsi que dans d'autres communes du département.

Le mouvement a été revendiqué par la suite vers les 9heures AM par un groupe de citoyens réunis sur une structure baptisée, PAW " pale pou wanament".  Ces citoyens protestaient, entre autres contre la rareté de carburants, la hausse des prix et dénoncent du même coup l'irresponsabilité de l'état dans tout ça. Au cours de leurs parcours une opération dénommée : "fèmen biwo leta" a été lancée.

À cet effet, les portes de l'ONA, DGI, de la mairie entre autres,  sont verrouillées à cadenas. Parcourant divers artères de la ville les manifestants réclament aussi l'autonomie de Ouanaminthe qui selon eux, subit de toute sorte de maltraitance du pouvoir central.

En réalité ce mouvement est venue suite à une énièmes appel à la grève lancée par des syndicats du transport en commun dans tout le pays pour protester  contre le rareté  de carburants et le kidnappinn. Et l'appel a été répondu dans divers communes du département.

Vil wanament leve avèk anpil sispenz maten lundi 25 oktòb 2021

Vil wanament leve avèk anpil sispenz maten lundi 25 oktòb 2021. Anpil Ròch, boutèy, bal ak kawotchou tap boule maten an. Majorite sektè pa fonksyone tankou lekol, Kodevi,  la bank ak mache dajabon nan. Sitwayen yo ki deyè mouvman sa ap revandike kont rate gaz la ak lavi chè.

Nap fè remake yè dimanche lan ganlon gaz tap vann a 1200 goud nan lari wanament.