Nodès/manifestasyon : Sou insyativ Pitit Dessalines plizyè milye moun mache nan lari wanament pou denonse movèz gouvènans

Sou inisyativ pati politik pitit Dessalines yon gwo manifestasyon oganize nan vil wanament jodi jeudi 10 novanm 2022. manifestasyon sa kite reyini plizyè milye moun te gen nan tèt li ansyen senatè Moïse Jn Charles. Premye Rasanbleman te fèt nan won pwen gaya avan yo te desann aprè anpil difikilte al rankontre ansyen  senatè a zòn dilè .            

Kraze plizyè fwa ak kout roch, kout boutèy manifestan yo te rive travèse zòn mapou ak anpil difikilte. Travèse nan ri guimalarie pou pase nan ri des martyrs pou rive zòn kalvè, monte nan blok mankèt pou desann nan ri espanyòl la manifesyon an tal bout blòk gaya anba je la polis nasyonal la.

Nan tout pakou a lidè pitit Dessalines nan, Moïse Jn Charles tap denonse movèz gouvènans,  lavi chè, ogamantasyon pri gaz la, aba enjerans entènasyonal, desann dola ak peso pi ba ke 100 goud, depa PM Ariel Henry nan tèt l'ETA ak plizyè lòt. Moïse Jn Charles bay popilasyon an garanti lap kraze sistèm peze souse a, li te profite mande yo pou akonpaye KTPS la.

Joseph Judelyn / scriptmediatv@gmail.com