SCRIPT MEDIA TV

Ayiti politik : Plizyè santèn militan te prezan otrou yè dimanch lan pou resevwa Moïse Jean-charles

Séjour Léonel / Script Media TV

Plizyè santèn militan ak senpatizan pitit Desalin te prezan nan vil Otrou nan nòdès peyi a, ak lidè pitit desalin nan Moïse Jean-charles yè dimanch 2 janvye 2022 an nan kad yon seri rasanbleman politik lap fè nan plizyè kwen nan peyi a. Ak drapo rouj e nwa, pankat nan men,

Militan sa yo ki t'ap di viv Moïse jean charles te mache nan plizyè ri nan vil la, daprè konsta #script_media_tv.

Nan okazyon sa, ansyen senatè nò a, Moïse jean charles te pale ak popilasyon otrou a ( Trou-du-Nord en Français) pandan li fè konnen, li bay Premye minis Ariel Henry kèk jou ankò poul rezoud problèm ensekirite a ak kidnapping nan andedan peyi a. MJC di si Ariel pa tande rezon , li menm li pral relanse mobilizasyon an ankò nan peyi a. JMC fè konnen li pral travay pou dote peyi a yon nouvèl klas politik, yon monè nasyonal "#bit_goud" ak plizyè lòt promès ankò. Yon lòt kote lidè goch ayisyèn nan fè konnen lè li fin prezidan li pwal chanje drapo peyi a "#wouj_e_nwa".

Ansyen majistra komim milot a fè konnen , li pa pral nan eleksyon ak moun sa yo ki la k'ap dirije peyi a jodia, li fè konnen anpil nan yo konplis nan lanmò Ansyen prezidan asasine a Jovenèl Moïse. Pilwen MJC fè kwè malgre tout divèsyon k'ap fèt, li pap sispann kontinye batay, kont oligachi, kont boujwa kòwonpi yo, kont ti gwoup ki kontrole ekonomi peyi a.

Li ale pi lwen poul di yo pap ka touyel menm jan ak ansyen prezidan Jovenel Moïse. li pap fè bak, li di fòk moun ki gagote lajan petro caribe a anba kòd.

nap fè remake nan kòmansman rasanbleman politik sila, li te pran 1 minit silans nan memwa ansyen Prezidan asasine a Jovenel Moïse ki li menm se moun otrou.

Kesyon anpil moun ap poze, Eske sa ta vle di, se kanpay pou prochèn eleksyon yo ansyen senatè a deja kòmanse fè?

@Sejour_Léonel

Nodès / aksidan sikilasyon

Nodès, aksidan sikilasyon.

2 machin kwaze ansanm sou rout nasyonal nimewo 6, tou prè ponp gaz ki nan kafou fòlibète a, se yon gro kamyon ki pote machandiz ki tap soti wanament ak yon ti machin ki tap soti kap ayisyen ki frape ansanm. Pa genyen mò jis ka prezan.

Incendie / Cap Haïtien

Incendie d'un camion d'essence dans la deuxième ville du pays, Cap-haitien dans la matinée de ce mardi 14 décembre 2021. Selon les premiers bilans environ une soixantaine de morts, des dizaines de blessés et des dégâts matériels sont enregistrés. Pour l'instant l'hôpital Justinien qui reçoit les blessés demande de l'aide d'urgence.

Pri gaz la pwal ogmante sou mache a

Archive / Script Media TV

Nan yon pwen de près nan dat 7 desanm 2021 an nan rezidans ofisyèl premye minis lan Dr Ariel Henry, gouvènman deside ogmante pri prodwi petwòlye yo apati vendredi 10 desanm kap vini la.

Daprè tout denye desizyon yo : galon gazolin ki tap vann 201 goud pwal pase a 250 goud, Galon Dizèl la ki te vann 169 goud pase 353 Goud, Kerozèn nan pase 163 a 352 goud.

Finalman Leta deside anile sibvansyon sou dizèl ak kerozèn nan. Selon presizyon minis planifikasyon an, ansyen senatè Ricard Pierre gouvènman anile sibvansyon sa yo nan lide pou reponn avèk egzijans popilasyon an. Bò kote pa'l minis afè sosyal ak travay la Odne Pierre Ricot ki te pale nan prwen de près sa, fè konnen pri transpò yo ap rete menm jan.

Lè'n konsidere gaz kise yon prodwi transvèsal, desizyon sa riske gen gwo konsekans sou sitiyasyon ekonomik popilasyon ki te deja a fè ak anpil difikilte.

Installation du Juge Jacques Elie LOUIS comme titulaire a.i du tribunal de paix de Ouanaminthe

Photo Facebook du concerné

Après avoir désigné juge titulaire a.i au tribunal de paix de Ouanaminthe, Me Jacques Elie LOUIS a été installé dans sa nouvelle fonction hier mercredi 30 novembre 2021. L'installation se faisait par le Doyen du tribunal de première instance de Fort-Liberté, Wilfrid BRUTUS. Ce dernier vient de remplacer Me Jean Eugène qui a été transféré au tribunal de paix de Capotille.

Dans un bref discours, le nouveau titulaire a.i du tribunal de paix de Ouanaminthe promet de travailler dans le cadre de la loi afin de donner de bon résultat.

Notons, cette installation est venue après la décision prise par le Secrétariat Technique du Conseil Supérieur du Pouvoir judiciaire (CSPJ) afin de transférer le Juge Jean Eugène au tribunal de paix de Capotille et le Juge Ferry BERNARD qui était en fonction au tribunal de paix de Capotille à Ouanaminthe.

Oxilas Guerlin

Depi fenomèn ratman gaz la pri prodwi premye nesesite yo pa sipann grenpe

@manex_Jean-Simon/ScriptmediaTV

Depi plis pase 6 mwa peyi dayiti ap Konen yon fenomèn ratman gaz san kanpe, yon sitiyasyon ki vin pi grav depi aprè asasina ansyen prezidan Jovenel Moïse lakay li nan lannwit 6 pou leve 7 jilè pase a. Sitiyasyon sa pa san konsekans sou ogamantasyon pri sou tout aktivite ekomik yo nan peyi a (inflation).

Malgre divès mezi otorite yo anonse pou kwape sitiyasyon sa yon fason pou soulaje popilasyon an ki viv chak jou anyen pa mache, pri prodwi premye nesesite yo pa sispann monte, Sa ki vin antre moun yo pi fon nan mizè.

Nan depatman nodès la, sitiyasyon an pa diferan. Nan yon vire won ekip #Script_MÉDIA_TV a fè nan kèk mache samdi 27 novanm 2021 an, nou remake pri prodwi premye nesesite yo ogmante a yon vitès ekstraòdinè. Konsta yo montre wap bezwen genyen anviwon : 115 goud pou yon gode (timamit) pwa, 65 goud pou yon gode (timamit) diri, 65 goud pou yon gode sik, 125 goud pou yon aran, 60 goud pou yon mandè lwil Epi 150 goud omwen pou yon chyen janbe pou'n site sa yo selman.

Plizyè nan ti machann sa yo ki te pale ak nou di, sa se konsekans non sèlman ratman gaz la men dola ameriken an ki pa sipann ogmante chak jou tandiske tout sa nou bezwen se nan peyi lòt bò dlo nou achte'l. Pilwen ti Manchann yo denonse iresponsbilite Leta, yo di ki pa janm pran ankenn mezi reyèl pou remedye sitiyasyon an.

Kesyon anpil moun ap poze, se jis kilè pèp ayisyen ap rale yon souf anba mizè nwa sila a akoz yo pa wè ankenn volonte reyèl bò kote otorite yo nan Leta pou adrese vrè problèm peyi ak tout senserite.

Manex Jn simon

#SOS #DINEPA : Depi kèk jou nan vil #wanament se avèk anpil difikilte pou yon moun jwenn yon ti gout dlo pou kapab sèvi

#SOS #DINEPA : Depi kèk jou nan vil #wanament se avèk anpil difikilte pou yon moun jwenn yon ti gout dlo pou kapab sèvi, sitiyasyon sa lakoz kèk moun pran lari avèk galon nan men ap mache chache toupatou pou yo wè si yo kapab jwenn yon ti gout dlo pou satisfè bezwen yo.

popilasyon an ki te deja ap fè fas ak anpil difikilte ak problèm gaz la, mande responsab #dinepa yo pou aji prese prese pou rezoud problèm sa a avan ka yo ta vin pi grav. @Joanis_Elie /@Scriptmediatv1